The best of Euskadi + Innova

‘Orokorra’ ataleko artxiboa

• TBOEI #2 Partehartzaileak: Bernardo González

  Kike-k argitaratua | 2010-eko Urtarrilak 26 | 64 iruzkin

  Bernardo Gonzálezi esker gosal dezakete bilbotarrek esne jetzi berria hurbilen duten baserrira joan beharrik gabe. Bizkaia Esneako lehendakaria izaki, bera izan da ekimenaren bultzatzaile nagusia, kooperatibako 56 baserrietan ekoizten diren 50.000 litroei errentagarritasuna ematen ari den horrena.

  The Best Of #2: Intersecciones Urbanas-era joango da Bernardo, landa-eremuaren eta hiriaren arteko harreman berriaz mintzatzera, hau aldarrikatzera: hirien eta hiritarren jasangarritasuna bultza daiteke zerbitzu eta produktuen diseinuan aldaketa txiki batzuk eginda ere. Haren iritziz, hiri buruaskiagoak egin daitezke banaketa-eredu berriak erabiliz, eta jasangarritasuna ez da berde koloreko zer bat bakarrik.

• TBOEI #1 Partehartzaileak: Francisco Bodego

  Kike-k argitaratua | 2009-eko Urriak 1 | Iruzkina utzi

  Francisco Bodegok 2005ean hasi zuen ekintzaile ibilbidea; urte horretan bitartekotzarekin eta software proiektuen kudeaketarekin lotutako proiektu bat hasi zuen Informatikako ikasketak amaitzen zituen bitartean. Urtebete ondoren, ekimena ez zela oso bideragarria ikusi zen eta Franek beste bide batzuetatik jarraitu zuen.

  Orduan ezagutu zituen gaur egun dituen bazkideak, Alberto eta Sarri; bazkide horiek lantzen ari ziren proiektua aurkeztu zioten; proiektua joko hezitzaileei eta simulatzaile didaktikoei buruzkoa zen, gaur egun, Jolas Seriotzat hartzen ditugun horiei buruzkoa. Urtebete ondoren ametsa egia bihurtu zen eta elkarrekin Ikasplay sortu zuten.

  Ikasplay bi urte darama jendeari erakusten gauzak ikasteko eta barneratzeko modurik onena jolasa dela. Gainera urte asko jarraitu nahi du hori egiten.

  Franen ustez ideia edo enpresa berri baten arrakastaren giltza ideia edo enpresa osatzen duten pertsonen taldea da. Taldeak anbibalente izan behar du eta pertsona ameslari eta zoriontsu bat izan behar du, ezinezkoa hitza ezagutzen ez duen pertsona bat; beste pertsona errealistago bat behar du, ideia argiak dituena eta gainontzekoak zoruan jartzeko modukoa eta, amaitzeko, pertsona sortzaile bat, buruan duen guztia errealitatera eramateko gai izango dena.

• The Best Of Experience

  Kike-k argitaratua | 2009-eko Urriak 1 | Iruzkin bat

  

  The Best Of-en helburua ondokoa da: topaketara doan bakoitzak bere esperientzia sortzeko aukera izan dezala gainontzeko bertaratuekiko eta parte-hartzaileekiko elkarrekintzari esker. Helburu horrekin topaketa-eremua modu organiko batean definitzen da non pertsonek eurek erabakiko dute aulkiak mahien artean nola jarri; mahaietan edariak eta janaria dute, zenbait barazki, okel, sushi eta fruta motak dituzte jateko.

  The Best Of Experience ez dute soilik topaketara joaten diren pertsona fisikoek osatzen. Etengabeko Wi-Fi konexio bati esker, elkarrekintza eta estaldura posible izango da topaketa irauten duen bitartean; bertaratuko guztiei animatu nahi diegu parte-har dezaten gailu mugikorrak edo ordenagailuak ekarriz. Korronte-hargune nahiko ditugu guztientzat.

  Jarduera guztia web orrian, twitter kanalean edo linea bidez parte-hartzeko espazioan jasoko dugu topaketara etorri ezin diren guztientzat. Halaber, galdera eta iradokizun birtual guztiak topaketan eta elkarrizketa mahai guztiekin amaitu ondoren bilduko ditugu, ezen The Best Of topaketak ez baitu inolako muga fisikorik.

  • 13:00 The Best Of Euskadi+Innova #1-en hasiera
  • 13:15 Bertaratukoak aurkezteko dinamika
  • 13:30 Ezohiko Ekintzailetzari buruz Peio Ruizek egindako sarrera
  • 13:40 ‘Desorganizazio ekintzaileak: nire jaiarekin bat egin!’ deitutakoan parte hartuko dutenak aurkeztea (Asier Arranz, Joseba Beloki, Alberto Molpeceres, Jesús Manuel Gómez)
  • 13:55 ‘Desorganizazio ekintzaileak: nire jaiarekin bat egin!’ elkarrizketa-mahaia
  • 14:25 Lehen eztabaida-eremua
  • 14:35 Networking atsedena
  • 14:55 ‘Parte-hartzerako kontra-prestakuntza’ deitutakoan parte hartuko dutenak aurkeztea (Aitor López de Aberasturi, Asier Martínez, Ixiar García eta Fran Bodego)
  • 15:15 ‘Parte-hartzerako kontra-prestakuntza’ elkarrizketa-mahia
  • 15:45 Bigarren eztabaida-eremua
  • 15:55 Ondorioak eta The Best Of #1-i amaiera emango dio Peio Ruizek
  • 16:00 Networking kafea

• TBOEI #1 Partehartzaileak: Jesús Manuel Gómez

  Kike-k argitaratua | 2009-eko Urriak 1 | Iruzkin bat

  Jesús Manuel Gómez Informazioaren Teknologiekin zerikusia duten zazpi enpresatan izan da, aurten bere kabuz ekitea eta bere proiektu batekin hastea erabaki duen arte. Hori egin baino lehen, jarduera-sektore anitzetan ibili zen, bai industria alorrekoetan, bai finantza-zerbitzuen alorrekoetan, eta maila guztietan lan egin du, Arloko Zuzendari izatera heldu zen arte.

  Bere enpresa, NABUNBU Digital Bussiness, marketin digitaleko negozio bat da; 2009. urtean sortu zuen, eta ohiko erremintak zein web sozialeko ekintzak erabiltzen ditu beste enpresa eta erakunde batzuen jarduerak promozionatzeko. Marketin digitalari buruzko prestakuntza ematen du, 2.0 erremintak erabiltzen ditu eta gertaerak streaming-ean erregistratzen ditu.

  Jesús Manuel Gómezek Iniciador País Vasco”antolatu eta koordinatzen du; networking-eko gertaera honek ekintzaileen arteko harremana errazten du eta baita pertsonen arteko ikaskuntza eta ekintzailetza ere. Halaber, orain dela aste gutxi batzuetatik hona Monday Reading Club Bilbao antolatzen du; ekimen horrek, marketin digitalari buruz taldeka zenbait liburu profesional irakurri ondoren, horri buruzko esperientziak eta ikuspuntuak trukatzeko eremu fisikoa sortzen du.

  Ekintzaile hau, badakienez enpresaren jarrera barrutik aldatzea oso zaila dela, The Best Of 1-era etorriko da profesionalen arteko harremanak eta loturak sortzeko modu berriak erakusteko helburuarekin, eta baita besteen ekintzailetzaren zailtasuna erakusteko ere.

• The Best On Facebook!

  Kike-k argitaratua | 2009-eko Irailak 25 | Iruzkin bat

  The Best Of Euskadi+Innovak Facebooken komunikazio kate berri bati hasiera eman dio. Bertan 3 dimentsioko aldizkariaren zenbakiei buruzko informazioa trukatu, parte hartu eta eztabaidatzeko aukera izango duzu. Tresna honen bidez etengabe lor dezakezu topaketaren inguruan sortu den jarduerari buruzko informazioa, eta modu erosoan gainera, gizarte sare ezagun honetan.

  Kate berri honetan gomendioak eta iritziak jasoko dira eta horrela hurrengo zenbakietan hobekuntzak egin ahalko ditugu. Horrez gain, burututako ekitaldiei buruzko argazkiak, bideoak eta bestelako materiala trukatzeko aukera egongo da. Aipatzekoa da ere harpidedunei automatikoki emango diela The Best Of-en deialdien berri, baina harpidetzak, ohi bezala, Euskadi+Innovak kudeatuko ditu.

  Laburbilduz, The Best Of Euskadi+Innovaren orrialde berriaren asmoa show conferenceetan ekindako networkingarekin jarraitzea eta etorkizuneko topaketetara arte luzatzeko bilgunea izatea da.

• Jarraitu The Best of zuzenean

  Beatriz-k argitaratua | 2009-eko Ekainak 24 | Iruzkina utzi

• Jarraiguzu twitter-en!

  Beatriz-k argitaratua | 2009-eko Ekainak 23 | Iruzkin bat

  Twitter-en egongo gara The best of aldizkariaren 0 alea aurkeztu baino lehen, aurkezten den bitartean eta aurkeztu ondoren ere.

  Nobedade guztiak ikus ditzakezu gure kanalean, www.twitter.com/thebestof_ei, eta ekitaldia jarrai dezakezu #tboei etiketarekin.

• The Best of

  Beatriz-k argitaratua | 2009-eko Ekainak 11 | Iruzkina utzi

  The Best of euskadi+innova berrikuntzari buruzko 3D aldizkari bat da, berrikuntza sektorializatzen duten hesiak haustea eta euskadi+innova atariko edukiekin lotutako ideia, proiektu eta pertsonak berraktibatzea helburu duena. Show conference, networking eta picnic baten arteko nahasketa izaki, The Best of aldizkariaren xedea da berrikuntzarekin lotutako pertsonen hedapena eta gizarteratzea bultzatzea beren ezagutza eta esperientzien bitartez.

  The Best of bi hilean behin argitaratuko da eta EAEko hainbat hiritan aurkeztuko da, elkartu egin nahi direlako, batetik, lurraldeko pertsonarik kezkatuenak eta, bestetik, eragin ekonomiko, sozial eta teknologikoa sortzen duten jarduera, hausnarketa, parte-hartze eta antolakuntza eredu berriak aztertzearen aldeko apustua egin duten pertsonak. Aldizkariak honela planteatzen du berrikuntza: jarrera bat da, balio sorkuntzaren bitartez, eraldaketa eta aurrerapena eragiteko gaitasuna duena.

  The Best of bereziki diseinatu da bertaratzen den orok bere esperientzia eraiki dezan eta ezagutza sor dezan topaketan planteatutako gaiak abiapuntutzat hartuta. The Best of edizio bakoitzean “Guest Editor” izeneko gonbidatu bat izango da eta berak aukeratuko ditu gaiak eta orientatuko ditu edukiak.