The best of Euskadi + Innova

‘participantes’ etiketa duten sarrerak

• TBOEI #2 Partehartzaileak: Txomin Jauregui

  Kike-k argitaratua | 2010-eko Urtarrilak 26 | 45 iruzkin

  Txomin Jauregui Echeverria. 31 urte ditut, eta Donostian jaioa naiz. Enpresen Zuzendaritza eta Administrazioan lizentziatua, Deustuko Unibertsitatean, Donostiako campusean (ESTE). Auditore-lana egin nuen lehenik, Deloitte-ren Bartzelonako egoitzan. Ondoren, aholkularitza-zerbitzua eman nien zenbait enpresa eta erakunderi, eta, haien bidez, lau kontinenteetara bidaiatu dut.

  Gaur egun, lan horrekin batera proiektu berri batean ari naiz: DDonosti.com, negozio eta profesionalentzako tokiko gida bat. Horretan ematen dut nire aisialdi guztia, eta gauza berriak ikasteko irrika pizten dit egunero. Gure helburu nagusietako bat da kalea, auzoa eta hiria eremu birtualarekin harremanetan jartzea.

  Helburu hori betetzeko, QR kodeak dituzten eranskailu pertsonalizatuak diseinatu ditugu ddonosti.com osatzen duten negozioentzat. Horrela, Internet kalera eramatea lortu dugu, bai eta kalea Internetekin lotzea ere.

• TBOEI #2 Partehartzaileak: Diego Soroa

  Kike-k argitaratua | 2010-eko Urtarrilak 25 | 46 iruzkin

  Diego Soroa Cuantics Creatives-eko zuzendaria da, “berrikuntzan aplikatzeko sormen-laborategi” txiki bat, hain zuzen ere. Sormen-aholkulari gisa lan egiten du Diego Soroak: erakunde publikoei eta oinarri teknologikoko zenbait enpresari ikuspegi berriak, ikuspuntu berriak eta proiektu berriak eskaintzen dizkie. Gainera, hirigintzan espezializatutako arkitektoa da, eta espazio kolektiboak nahiz giza harremanak hobetzeko Hardware Sozialeko proiektuak egiten ditu.

  “Hiri-komunitateetan ez bezala, komunitate birtualetan interes berak dituzten ghetto espezializatuak sortzen dira. Ez da nahasketa sozialik gertatzen, pertsonek ez baitute haien eremu erosotik atera beharrik" eta, ondorioz, ezin da egiazko kohesio sozialik sortu. Gure konfiantza osoa sare sozial birtualetan jartzen badugu, gizartea konektatuta bai, baina zatikatuta egongo da.

  Zer gertatuko zaie hiriei? Aldaketa teknologiko, sozial eta gizatiarrekin bateragarriak al dira? Isolamendu sozialari aurre egiteko eta hirietako elkarreragin publikoaren galera saihesteko, etorkizuneko arkitektoek uztartu egin beharko dituzte espazio fisikoa eta espazio birtuala . Ohiko arkitekturak agente berriekin batera egin beharko ditu espazio publikoen diseinua eta kudeaketa, eta agente horiek elkarrekin uztartzeko duten gaitasunaren araberakoa izango da espazio horien kalitatea.

  Hamarkada-pare bat barru, esparru fisikoaren eta birtualaren arteko nahasketa biziko dugu, informazioaren arkitektura eta hiriaren arkitektura batuko dituzten espazioetan mugituko gara eta informazio-fluxu etengabe baten bidez elkarri konektatuta egongo gara denok; sentsoreen bidez guztiok guztiokin eta gauza guztiekin konektatuko gaitu sentsoreen bidezko fluxuak, hain zuzen ere.

  Baina ez dezagun txarto ulertu. Izenak izen, zentzumen-teknologia horiek sentitu, sentituko dute, baina ez emozioz eginda daudelako, bit irrazionalez eginda daudelako baizik. Hiperkomunikazio-sistema bat izango da, eraginkortasuna ardatz duena. Sistema hori emozioz hornitzea gizakion ardura izango da beti.

  Diego Soroaren OUTERNET EVERYWARE y SOCIAL HARDWARE. Nuevas dimensiones de lo colectivo” idatziaren laburpena. .

• TBOEI #1 Partehartzaileak: Francisco Bodego

  Kike-k argitaratua | 2009-eko Urriak 1 | Iruzkina utzi

  Francisco Bodegok 2005ean hasi zuen ekintzaile ibilbidea; urte horretan bitartekotzarekin eta software proiektuen kudeaketarekin lotutako proiektu bat hasi zuen Informatikako ikasketak amaitzen zituen bitartean. Urtebete ondoren, ekimena ez zela oso bideragarria ikusi zen eta Franek beste bide batzuetatik jarraitu zuen.

  Orduan ezagutu zituen gaur egun dituen bazkideak, Alberto eta Sarri; bazkide horiek lantzen ari ziren proiektua aurkeztu zioten; proiektua joko hezitzaileei eta simulatzaile didaktikoei buruzkoa zen, gaur egun, Jolas Seriotzat hartzen ditugun horiei buruzkoa. Urtebete ondoren ametsa egia bihurtu zen eta elkarrekin Ikasplay sortu zuten.

  Ikasplay bi urte darama jendeari erakusten gauzak ikasteko eta barneratzeko modurik onena jolasa dela. Gainera urte asko jarraitu nahi du hori egiten.

  Franen ustez ideia edo enpresa berri baten arrakastaren giltza ideia edo enpresa osatzen duten pertsonen taldea da. Taldeak anbibalente izan behar du eta pertsona ameslari eta zoriontsu bat izan behar du, ezinezkoa hitza ezagutzen ez duen pertsona bat; beste pertsona errealistago bat behar du, ideia argiak dituena eta gainontzekoak zoruan jartzeko modukoa eta, amaitzeko, pertsona sortzaile bat, buruan duen guztia errealitatera eramateko gai izango dena.

• TBOEI #1 Partehartzaileak: Asier Martínez

  Kike-k argitaratua | 2009-eko Urriak 1 | 2 iruzkin

  Asier Martínez 23 urteko Arabako gazte bat da; gaur egun Deustuko ESIDEn ingeniaritza ikasteaz gain, bere enpresan ere lan egiten du. Lau ekintzaile gaztek osatzen dute Thecodefarm; gazte horiek, batez ere web inguruneari buruzko zerbitzu eta aplikazio berriak aztertzen eta garatzen dituzte. Asierrek honako lan hauen ardura du: front-end engineer, interfazak diseinatzea, nabigazio-fluxuak eta optimizazioa.

  Duen esperientziak berak erakutsi egin dio ekintzailetza ez dela bide arruntena, eta arriskuz eta zalantzaz beteta dagoela. Hori dela eta, ekintzailetza guztiak ezohikoak direla uste du, gaur egungo gizartean behintzat.

  Aisialdian musika ona entzutea eta telebista-saioak ikustea ditu gogoko, baita hardware berriz erabiltzeko moduak aurkitzea ere. Kultura eta software librearen aldeko zenbait mugimendutan parte hartu du, adibidez hacklabs, Nosoypirata edo Compartir es bueno izenekoetan.

• TBOEI #1 Partehartzaileak: Ixiar García

  Kike-k argitaratua | 2009-eko Urriak 1 | Iruzkin bat

  Ixiar Garcíak aktibista futuristatzat hartzen du bere burua, eta ekintza guztiak sormena kutsatzera eta aldaketa berritzaileak sorraraztera zuzentzen ditu. Arte Ederrak ikasi zituen Bilbon eta Cuencan, eta ikasten jarraitu zuen diseinu estrategikoari eta arkitektura sozialari buruzko zenbait ikastaro eta tailerretan; ikaskuntza eta jabekuntza prozesu horiek nola aplikatu ikertu zuen. Zenbait urtez Funky Projects-en lan egin zuen gizarte-eraldaketako proiektu batzuk burutzen; bitartean sare-sistema berri batzuk diseinatu zituen pertsonen eta horien gaitasunen kudeaketa etengabe berritzeko.

  Dituen ardurak direla-eta, bakarkako beste bide bat hasi du; bide hori hezkuntzaren alorrean oinarritzen da. Horren bidez berriz aktibatu nahi du pertsonek duten sormen-gaitasuna, pertsona horiek etorkizun ziragarriagoan nahasteko helburuarekin. Hori dela eta, sormen-gaitasunaren eztanda sustatzeko laborategia asmatzen ari da.

  Pink Gorillas irakastorduetatik kanpo egiten ari den proiektu bat da; pertsonen sormena sustatzea du helburu, haurtzarotik bertatik hasita, haurrek sortuko baitute etorkizuna. Halaber, proiektu horrek nazioarte-mailan hazi nahi du pertsona sortzaileen, ahaideen eta hezitzaileen arteko sareko lankidetzaren bidez, eta baita Pink Gorillas-ekoen laguntzaren bidez ere, eraldaketak pertsonek eurek sor ditzaten.

• TBOEI #1 Partehartzaileak: Jesús Manuel Gómez

  Kike-k argitaratua | 2009-eko Urriak 1 | Iruzkin bat

  Jesús Manuel Gómez Informazioaren Teknologiekin zerikusia duten zazpi enpresatan izan da, aurten bere kabuz ekitea eta bere proiektu batekin hastea erabaki duen arte. Hori egin baino lehen, jarduera-sektore anitzetan ibili zen, bai industria alorrekoetan, bai finantza-zerbitzuen alorrekoetan, eta maila guztietan lan egin du, Arloko Zuzendari izatera heldu zen arte.

  Bere enpresa, NABUNBU Digital Bussiness, marketin digitaleko negozio bat da; 2009. urtean sortu zuen, eta ohiko erremintak zein web sozialeko ekintzak erabiltzen ditu beste enpresa eta erakunde batzuen jarduerak promozionatzeko. Marketin digitalari buruzko prestakuntza ematen du, 2.0 erremintak erabiltzen ditu eta gertaerak streaming-ean erregistratzen ditu.

  Jesús Manuel Gómezek Iniciador País Vasco”antolatu eta koordinatzen du; networking-eko gertaera honek ekintzaileen arteko harremana errazten du eta baita pertsonen arteko ikaskuntza eta ekintzailetza ere. Halaber, orain dela aste gutxi batzuetatik hona Monday Reading Club Bilbao antolatzen du; ekimen horrek, marketin digitalari buruz taldeka zenbait liburu profesional irakurri ondoren, horri buruzko esperientziak eta ikuspuntuak trukatzeko eremu fisikoa sortzen du.

  Ekintzaile hau, badakienez enpresaren jarrera barrutik aldatzea oso zaila dela, The Best Of 1-era etorriko da profesionalen arteko harremanak eta loturak sortzeko modu berriak erakusteko helburuarekin, eta baita besteen ekintzailetzaren zailtasuna erakusteko ere.

• TBOEI #1 Partehartzaileak: Joseba Beloki

  Kike-k argitaratua | 2009-eko Irailak 30 | Iruzkina utzi

  Peio Ruizen aurkezpena

  Seguru aski denok ezagutzen dugu Joseba Beloki lortu dituen kirol arrakastengatik. Hiru aldiz igo baitzen Frantziako Tourreko podiumera (2000an, 2001ean eta 2002an), eta Federico Bahamontes eta Pedro Delgadorekin batera, Espainian bigarren lekuan dago Frantziako Tourren podiumera igotako aldiak kontuan izanda.

  Baina gaur egun Joseba Beloki besteren konturako ekintzailea da. Hainbat aldizkaritan parte hartu du eta, Iñigo González de Herediarekin batera, Arabako ibilaldi zikloturista garrantzitsuena, Aguraingoa, antolatzen du; gainera ez du federazioen laguntza. Ibilaldi horretan urtero 500 txirrindulari baino gehiagok parte hartzen du, eta kopuru hori handitzen doa urtez urte. Halaber, bi gurpilekiko zaletasuna alde batera utzi gabe, une honetan txirrindularitzari buruzko sare sozial bat egiten ari da Espainiako Vueltako antolatzaileen laguntzarekin.

  Jose Beloki The Best Of Euskadi+Innova#1-ra dator ezohiko ekintzaile gisa bere abenturari buruz eta erakundeen jarduteko era barrutik aldatzeak duen zailtasunari buruz hitz egitera.

• TBOEI #1 Partehartzaileak: Asier Arranz

  Kike-k argitaratua | 2009-eko Irailak 29 | 3 iruzkin

  Asier Arranz inoiz ere geldi egoten ez den pertsona bat da, eguneroko tresnei erabilera berriak bilatzen aritzen denetakoa, alegia. Iaz Nokia N95 telefono bat eskuratu zuen eta saioak egiten ari zela, NiiMe izeneko aplikazio bat garatu zuen telefono mugikorra sagua eta ordenagailuaren urruneko kontrol gisa erabiltzeko. Lizentzia askearekin argitara eman zuen eta mundu osoan 300.000 pertsona baino gehiagok deskargatu zuten. Lan horri esker, Nokiaren egoitzara gonbidatu zuten urtero egiten duten lehiaketako finalista gisa.

  Harrezkero, gailu mugikorren arloan gauzatu du bere ekintzaile ibilbidea, baina bere interesa askoz harago doa: errobotika soziala, gizarte aplikaziorako sareak, domotika, ikuspegi artifiziala, osasuna, astronomia eta aeronautika.

  Aurten Telefónicak antolatzen duen Open MovilForum lehiaketako lehen saria irabazi du menpeko pertsonak zaintzen laguntzeko balio duen aplikazio bati esker. Gaur egun Android-en menpeko sistema batean ari da lanean. Proiektu horren helburua multitouch pantailak eta telefono mugikorren azelerometroak edozein motatako sistemak kontrolatzeko erabiltzea da.

  Asier berrikuntzaren zale sutsua eta jarrera ekintzailearen eredu argia da. Hilabete honetan bertan bere enpresa aurkeztu du, Nebutek. Ekimen aitzindari hori Deustuko Unibertsitatearen barruan sortu den lehenengoa da. Egunero ordu ugari ematen ditu enpresa martxan jartzeko lan egiten, baina hala ere, The Best Of Euskadi+Innova topaketara etorriko da ekimen pertsonalaren bidez nola bihur daitekeen ekintzaile arrakastatsu azaltzera.

• TBOEI #1 Partehartzaileak: Alberto Molpeceres

  Kike-k argitaratua | 2009-eko Irailak 28 | Iruzkin bat

  Linking Paths-en sortzaileetariko bat naiz. Softwarearen arloan lan egiten aritu naiz 1990ean Amstrad PC 1640 bat eskuratu nuenetik. 1996tik lan egin dut programazioan eta 1999tik “interneten bizi naiz”. Profesionalki Java asko ikusi dut, 2005ean Linking Paths jaio zen arte, orduan, enpresa-softwarearen munduko beste arlo batzuk ikusten hasi nintzen, baina garapena ez dut inoiz guztiz alboratu. MBA baten ondoren ekonomia eta finantzak deskubritu nituen eta noizbait arlo horretan lan egitea gustatuko litzaidake.

  Ezkonduta nago, pozik, seme polit bat dut, irakurtzea, golfean aritzea eta bidaiatzea gustatzen zait, baina aingerutxo horren ondorioz, gero eta gutxiago irakurtzen eta bidaiatzen dut, eta golf zelaira ere gutxitan joaten naiz. Baina berdin zait, atsegin handiz ordaintzen dut prezio hori. Nire lehenengo semea da, argi dago.

  Linking Pathsen lau urte baino gehiago daramatzagu ekintzailetzan, baldintza onetan nahiz txarretan aritzea zer den ikasten. Geure produktuen bidez besteentzako erabilgarriak izan nahi dugu eta egiten dugunaz gozatu nahi dugu. Argi dugu elkarrekin lan egin nahi dugula eta geure etorkizunaren arduradun izan nahi dugula, hori dela eta, geure burua finantzatzeko modua bilatu behar dugu, baita sarean lan egitearen kostuak eta onurak zein diren ikasi ere. Abentura bati ekiten dioten guztiek ez dute ikuspegi bera izaten, ezta helburu bera ere. Ekintzaile guztien helburua ez da 100 langile baino gehiago izatea, ezta beren hobekuntza eta bilakaeraren adierazle gisa, 100 milioi eurotik gora fakturatzea ere, baina horrek ez du esan nahi ez dutenik dirua irabazi nahi, baizik eta dirua irabazteko modua axola zaiela.

• TBOEI #1 Partehartzaileak: Aitor Lopez de Aberasturi

  Kike-k argitaratua | 2009-eko Irailak 24 | Iruzkina utzi

  Aitor López de Aberasturi es el responsable del nacimiento del Aitor Lopez Aberasturi euskaraz eginiko interneteko lehen bilaketa-tresnaren jaiotzaren arduraduna da. Deustuko Unibertsitatean Software Ingenieritza Master bat ikasten zegoen bitartean eta Vitoria-Gasteizko Gamesa Aeronautikan praktiketan zegoela Enrique Aguilera ezagutu zuen, Ozu interneteko portalaren asmatzaile dena. Hark bere hurrengoko proiektua izango zenaren giltza heman zion: awk komandoa, 1997.urtean izan zen.

  Hamabi urte geroago, Kaixo.com Euskal Herrian ikasle gehien duen euskaltegia bihurtu da. Gainera, orain dela hilabete gutxi batzuk Aitorrek Osakidetzako oposaketa birtualki prestatzeko ariketa sistema gaitu zuen, esperientzia hura oso arrakastatsua izan zen. Gaur egun, bere ekintzaile senak bere irakasketa aktibitatea eta merkataritza elektronikoari buruzko plataforma batera egiteari eramaten dio, Interneteko kate berri bat martxan jartzen lan egiten ari da baita ere.

  Irakaslea da irakaskuntza sistema tradizionalean eta aldi berean ekitzaile disidentea, sare irakaskuntza zabalduaren modu berriekin oso erlazionatuta dagoena baita ere. Bi gai hauek kontrajarriko ditu The Best of-eko ‘Kontra-prestakuntza sorkuntzari laguntzeko’ debatean.